الخميس، 26 مارس 2015

الموارد البشريه

الارواق المطلوبه للتعيين



نتكلم  بقى عن اول حاجه خالص  ايه هى الاوراق المطلوبه من المقدم على وظيفه بعد ما تم قبوله للعمل فى الشركه بعد ما شرحنا حاجات فرعيه كتير قبل كده قررنا ندخل واحده واحده فى مجال شئون العاملين ولو صادفتنا حاجه فرعيه او استفسارات كتيره نشرحها لوحدها .

اولا :  انا بشكر كل واحد علمنى حرف فى الشغل (محمود سعد - منصور عشرى - محمد طبانه - محمد عثمان - محمد السيد- محمد النجار- خالد عبد المنعم ) وبشكر كل اللى فى الجرووب اللى افادنى بمعلومه كتبها وانا قريتها اعتقد دول كثر جداا

نبدأ بقى 
1- خد بالك انك اول واحد بيتعامل معاه الموظف الجديد تعامل وكأنه بقى موظف فى الشركه بمعنى انه قابل موظف التعيينات عشان يتعين فكان عنده رهبه وكان عايز يثبت ذاته ..انت بقى (موظف شئون العاملين - مشرف شئون العاملين ) دورك انك تفك الراجل ده وتخلى يحس كأنه اشتغل قبل ما تاخد ورقه يعنى تحاول مثلا تضحكوا تتكلم معاه وتريحه عشان يحب الشركه ويحس بحاله التعاون وتخليه يحب الشركه من اول لحظه  .

طب ايه هى الاوراق المطلوبه من الموظف الجديد ؟ ؟ 

ملحوظه لها قيمه قبل ما ابدأ
انت كشئون عاملين لازم تقرأ طلب التوظيف كويس وتفهموا كويس لان فيه اوراق هتطلبها من اللى هيشتغل بناءا على اللى كاتبه يعنى مش يبقى كاتب فى طلب التوظيف انه خريج BUE  وفى الاخر يديك المؤهل بتاعوا كليه تانيه  ولازم تراجع كل الورق يعنى تشوف شهاده التجنيد منتهيه ولا ساريه والبطاقه كذلك  وكل الورق بتراجعو كويس والورق مضروب ولا لا (ايوه فيه ناس بتجيب ورق مضرووب وعدا علينا كتيير الكلام ده :) :) ). دى ملحوظه ف الاول وحتى شهادات الخبره حاول تطلبها منه وتخليه يحاول يجيبهالك طالما كاتبها فى طلب التوظيف مش معنى كده انك تعقدها فى حاجات بتعديها ..لكن خلى بالك ممكن فى يوم من الايام تتسأل ليه مطلبتش الورق اللى هو كاتبوا فى طلب التوظيف ده لمجرد الحمايه ليك لتتباع يا عمووونا #ركز ..

اول حاجه هتعملها بعد ما الموظف الجديد اتقبل فى الشغل تطلب منه يجهزلك ورق الورق ده يجهزوا فى مده محدده ولتكن مثلا 15 يوم  وفى نفس الوقت متستناش ال 15 يوم بمعنى فى حاجه لازم تخلص فورى لانها هتاخد يوم تانى زى مثلا نموزج 111  تطلب منه يشتريه ويجيبهولك بسرعه بعد ما يجيبوا فاضى من التأمين الصحى او مكتب البريد ..انت بتملاه وبتحط الصورتين عليه وبتختموا 3 اختام وتديهوله وتخليه يتصل بالخط الساخن يحجز ويكشف  ويجيبلك الكشف ده مع باقى الاوراق اللى هنتكلم عليها ...عشان الاجراء ده تخلص منه وينجز بسرعه مش بعد ما يجيب ورقوا كامل تقول استنى هتعمل كشف طبى اولى  (نموزج111) تبقى انت كده بتعطلو وبتمشوروا ..كده خلصت الموضوع ده تانى يوم او تالت يوم بعد ما الموظف اتقبل ف الشغل ..

ندخل بقى على الاوراق المطلوبه 
انا مقسم الاوراق الى اوراق ساسيه واوراق فرعيه  
عندك 7 اوراق انا بعتبرهم اساسين لا غنى عنهم لاى موظف يعنى لو هيشتغل ايه بتطلبهم نقولهم 

1- المؤهل       2- شهاده التجنيد    3- شهاده الميلاد     4- فيش جنائى      5- كعب عمل  6- طابعه تأمينيه
7- صور شخصيه(6)

الاوراق الفرعيه رقم (1)
1- س6 من اخر مكان عمل به  (ان وجد)        2- صور البطاقه  والمؤهل والميلاد  3 -  شهادات الخبره والتقدير وخلافه (ان وجد)    .

الاوراق الاساسيه رقم 2 الخاصه بالوظيفه

وببدأ اقسم الوظائف بعد كده يعنى الاوراق الاضافيه اللى هطلبها بعد الاوراق الاساسيه على حسب الوظيفه التى سيشغلها الموظف الجديد .
مثلا :- سائق  بطلب صوره الرخصه وبشوفها ساريه ولا منتهيه .
مثلا:- فنى او اللى شغال فى حرفه تتطلب مهاره معينه بطلب منه قياس مستوى المهاره وكارنيه مزاوله المهنه خلى بالك فيه فنيين مش محتاجين قياس المهاره لكن فى التأمينات بيرخموا وبيألفوا لانهم مش فاهمين يعنى مثلا فنى المعالجه لا يحتاج قياس مستوى مهاره . وفى نقطه فنيه بقى خليك عارفها وفاهمها كويس للمعلومه وعشان تبقى فاهم مش حافظ  الفنى المؤهل ايضا لا يحتاج قياس مستوى مهاره بمعنى ان واحد خريج دبلوم صناعه قسم كهرباء وهيشتغل كهربائى وقيس الصح بقى انه مش محتاج قياس مستوى مهاره. بس نعمل ايه فى التأمينات اللى ممكن يرجعلك الاستماره لو ملقهاش ببساطه لانه مش فاهم او لانه واخد تعليمات بكده :( :( .  وقيس بقى على كل الوظائف طالما  هو مؤهل يعنى مثلا واحد هيشتغل ميكانيكى وهو خريج دبلوم قسم ميكانيكا معدات ثقيله وهكذا وهكذا..
مثلا : المهندس .   بتطلب منه شهاده العضويه وايصال اخر سداد للنقابه عن العام الحالى اللى هو بقى دلوقتى بيدفع فورى عادى يعنى .
بالنسبه للاجانب :- تصريح العمل 
وهنا لازم الفت نظرك لحاجه اى حد تابع لنقابه لازم تطلب منه الكارنيه وايصال اخر سداد للعام الحالى عشان تأمن عليه بالوظيفه اللى هو فيها زى مثلا ( المحامى - المحاسب - المهندس )

الناس اللى شغاله فى مجال الاغذيه والمشروبات   بطلب منه شهاده صحيه يكون ليها تاريخ سريان وتاريخ انتهاء .
 طب لو واحد من الناسال 5% ...............بتطلب منه شهاده التأهيل .
احنا مجردناش كل الوظائف لان ده اشبه بالمستحيل بس اديناك فكره عامه عن الاوراق المطلوبه ولو ليك استفسار عن وظيفه معينه محتاج ايه ممكن نقولك  اسأل وإن شاء الله هنجاوبك.



الموارد البشريه

About الموارد البشريه -

المدونه تتكلم ببساطه عن مجال الاتش ار بشرح سهل ومبسط والهدف منها توصيل المعلومه مجانيه للجميع .

Subscribe to this Blog via Email :

5 التعليقات

Write التعليقات
Unknown
AUTHOR
9 فبراير 2020 في 7:01 ص delete

لو الوطيفه سيلز عقارات

تعليق
avatar
30 نوفمبر 2020 في 8:12 ص delete

سؤال مهم جدا لو سمحتم .....لقيت موظف عندى مؤمن عليه قبل مااشتغل ومعندوش كعب عمل ومكنش جابه اصلا وتم التأمين عليه بتاريخ فارق عن اليوم بحوالى 3 شهور اعمل ايه ؟

تعليق
avatar
Abdelrahman
AUTHOR
4 مايو 2021 في 2:25 م delete

انا مطلوب مني استمارة 6 و دا اول شغل ليا بعد التخرج
اطلعها منين

تعليق
avatar
Unknown
AUTHOR
16 يناير 2022 في 7:02 ص delete

لو سمحت حضراتكم انا دلوقتى اتقبلت فى شغل جديد و طالبين منى الورق دة اصل شهاده التعليم و اصل شهاده الجيش و كدة ...... الورق بيكون فين بعد كدة بحيث لو حبيت اسيب الشغل فى اى وقت اخده عادى مافيهاش قلق

تعليق
avatar
غير معرف
AUTHOR
12 مارس 2022 في 10:26 م delete

الارواق المطلوبه للتعيين - الموارد البشريه (شئون العاملين ) And Hr >>>>> Download Now

>>>>> Download Full

الارواق المطلوبه للتعيين - الموارد البشريه (شئون العاملين ) And Hr >>>>> Download LINK

>>>>> Download Now

الارواق المطلوبه للتعيين - الموارد البشريه (شئون العاملين ) And Hr >>>>> Download Full

>>>>> Download LINK

تعليق
avatar