شرح نموزج 111 (الكشف الطبى الاولى او الابتدائى )

هنكمل كلامنا عن ‫#‏نموذج_111‬ عشان اللى عندهم لبس ف الموضوع ده 
اولا :- متى يتم شراء نموذج ١١١. يتم شراؤه قبل التحاق العامل بالعمل وهذا هو الافضل لكن يجوز شراؤه وتوقيع الكشف الطبى ع العامل حتى بعد الالتحاق بالعمل ..طب لماذا يتم شراؤه لاثبات ان العامل لائق صحيا للوظيفه والاستناد اليه فى بعد ف حالات اصابات العمل والعجز وغيرها .... طب من اين يتم شراؤه. يشترى العامل هذا النموزج من اى مكان فى جمهوريه مصر العربيه بريد او مستشفى تأمين صحى ويكون هذا النموذج فارغا ...كيف يستخدم هذا النموذج بعد شراء العامل الجديد للنموذج يقدمه الى موظف شئون العاملين بالشركه التى سيعمل بها وعلى اثره يقوم موظف شئون العاملين بملئ النموذج. اسم صاحب العمل ونوع القطاع وعنوان صاحب العمل واسم العامل وعنوانه والوظيفه التى سيعمل بها والتى سيتم الكشف على اساسها بلائق او غير لائق لهذه الوظيفه فربما يكون الموظف لائق لوظيفه وغير لائق لاخرى ورقم البطاقه وتاريخ صدورها ورقم المحمول. ويضع موظف شئون العاملين صورتين خاصين بالموظف الجديد ويختم على واحده مع النموذج،وختمين اخرين ويكون عدد الاختام ٣ بالنموزج احدهما ع الصوره بالنموزج ويقوم موظف شئون العاملين او المدير المختص بالتوقيع ف المكان المخصص له وبهذا يكون النموزج كامل ويتم اعاذته للموظف الجديد الذى يقوم ع الفور بالاتصال بالخط الساخن الموجود بالنموزج ف اول ورقه ف الاسفل ويحجز ف مكان لتوقيع الكشف الطبى عليه سيتم سؤاله عن عنوان محل العمل فيجيب ويرشده موظف خدمه العملاء عن المستشفى التابع له الشركه فى المنطقه ويجوز ان يكشف فى اى مستشفى تأمين صحى اخرى ولكن غالبا ولدواعى ‫#‏التنظيم‬ يقوم الخط الساخن بتحويل الموظف الى المكان التابع له الشركه ولكن هذا ليس معناه انه لا يجوز له ا=توقيع الكشف ف اى مكان. وسيتم تحديد ميعاد معين ..فيذهب الموظف ف هذا الميعاد ومعه ٨۰ جنيها يقوم بدفعها للخزينه وصوره بطاقه وسيتم توثيع الكشف الطبى عليه ..وينتظر حوالى ساعه فيقوم موظف المستشفى باعاده الكشف الطبى النموزج يعنى له بالتوقيعات المطلوبه والاختام المطلوبه مع ختم لائق طبيا او غير لائق طبيا. .طب لائق طبيا بكده يكون مسئول ش ع مطمن عليه صحيا ويعينه طب غير لائق طبيا يجوز للموظف عدم تعيبنه ف الوظيفه او نقله الى وظيفه اخرى مع كشف طبى جديد او تعيينه وتحمل المسئوليه...
#نموذج_111 هو مجرد البدايه لعمل ‫#‏بطاقه‬ صحيه للموظف حيث يذهب الى الكشف فى اى وقت يمرض بخطاب من الشركه موجه الى التأمين الصحى التابع له الشركه فيقوم بتوقيع الكشف عليه او الحصول على ‫#‏اجازات‬ مرضى .ويتم عمل‫#‏البطاقه_الصحيه‬ بعد مرور 3 اشهر على نموذج 111 .
من يقوم ‫#‏بالتفتيش‬ على ‫#‏نموذج‬ 111 ..............يقوم ‫#‏الامن_الصناعى‬ بالتفتيش عليه وغالبا ما يطلب اخر 5او 6 كشوفات طبيه للموظفين الجدد ضمن تفتيش #الامن_الصناعى على المنشأت والتى يطلب فيها بعض التراخيص وبعض الاوراق بجانب التفتيش على الامان ف الشركه وتطبيق ‫#‏السلامه_والصحه_المهنيه‬ فى المنشأه ام لا وسنتطرق لهذا التفتيش لاحقا فليس هذا محله بشكل تفصيلى 
ماذا لم لو لم يجد ‫#‏مفتش‬ #الامن_الصناعى نموذج111 الموضوع بسيط هيديك اخطار بعمل كشف طبى اولى للعاملين فى خلال شهر وان لم يتم سحرر‫#‏محضر_مخالفه‬ للشركه .
ممكن حد يقولى انت بتألف ايه علاقه الامن الصناعى بنموزج 111 هقولوا الحمد لله جالى اكتر من 50 تفتيش امن صناعى عليا طوال فتره عملى وكنت المسئول مسئوليه ‫#‏مباشره‬ امامه وكان بيطلب ده كل مره مع بعض الحاجات الكتيره اللى هنبقى نتكلم عنها 
__________________________________________
نكمل كلامنا عن #نموزج111 (الكشف الطبى الاولى او الابتدائى)
المفروض ان الكشف ده يكون اما قبل الالتحاق بالوظيفه او خلال اسبوعين من التحاقه بالوظيفه طب يعنى لو عملته بعد المده دى مينفعش (ياراجل كبر مخك :) :) )  بنقول الصح لكن التنفيذ عادى اعملوا حتى بعديها باشهر.
طب ياعم انا موظف عندى راح كشف وطلع غير لائق طبى للوظيفه أمشيه وموظف تانى مكشفش اعمل ايه 
الموضوع كله يرجع ليك بس لازم تعرف ان فى الحاله دى مش هيبقى مؤمن عليه فى الشيخوخه والوفاه نسبه العجز الموجوده ...يعنى ايه برضو مش فاهم يعنى يا ريس لا يحق للموظف اللى معملش كشف طبى العرض على لجنه العجز او حتى الحصول على تعويض نسبه العجز وطب وبالنسبه لبقيه المستحقات وفاه ومعاش وغيره  كل ده يحق له ما عدا العجز .
طب افرض نقلت موظف من اداره لاداره تانيه الصح بقى انه المفروض يعمل كشف طبى جديد للوظيفه الجديده ..بنقول الصح .

‫#‏بنعلم_بعض‬ ‫#‏بنكمل_بعض‬

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نكمل كلامنا عن #نموزج111
بعد ما عرفنا ايه الفكره فى الكشف الطبى الاولى وازاى بنعمله وليه بنعمله ولو معملناهوش ايه اللى هيحصل هنكتب عن اخر حاجه خلى بالك من الحاجات دى ..لو واحد بيكشف فى النموزج وطلع غير لائق فى كشف معين زى مثلا العين ده لا يمنع انه يكمل بقيه الكشف للاخر ولما يتحددله مره تانيه بيتم الكشف على الجزء الغير لائق بس...النموزج دى لا يصلح الا للوظيفه اللى مكتوبه بيه ..صلاحيه النموزج بتكون للهيئه اللى مقدمه ليها بمعنى متنفعش لهيئه تانى او جهه تانيه وحتى ولو بنفس الوظيفه
مين اللى المفروض يفتش على الكشف الطبى الاولى اللى ليه الحق ده الهيئات دى  : - الامن الصناعى ومديريه  القوى العامله وتفتيش التأمينات وكل من يحمل الضبطيه القضائيه فى دول ..كل دول المفروض يفتتشوا عليه لكن انا لم يمر عليا تفتيش عليه الا الامن الصناعى بس هو ده اللى قابلنى فى شغلى لليوم .
________________________________

نكمل كلامنا عن #نموزج111
وبعد ما شرحنا ليه النموزج بيتعمل ولو معملنهوش ايه اللى هيحصل ومين الجهه اللى بتفتش عليه . جه الوقت اللى نتكلم فيه عن اخر حاجه وهى الهدف الاسمى للنموزج ويجى السؤال ده بنعمل ايه بنموزج 111  ...بعد مرور 3 شهور على نموزج 111  بنقوم نعمل استماره تسمى #استماره_حصر_منتفعين عشان نعمل بطاقه صحيه للموظف اللى عمل الكشف اللى بناءا عليها هيكشف فى التأمين الصحى ويتعرض على اللجنه الطبيه فى التأمين الصحى .. وبعد ما نملأ استماره حصر المنتفعين  بناخدها نروح التأمينات التابع ليها المنشأه ونقوم بالاستعلام عليها وبيتم ختمها من التأمينات الاجتماعيه ..وبتروح بيها على التامين الصحى + استماره س1 + صوره بطاقه + صوره شخصيه  ...وبناءا عليها بيتم ملئ البطاقه الصحيه وعملها .. وده نموزج استاره حصر منتفعين .