عدد الزوار

حقوق الطبع و النشر (#معلومتى مع حافظ) محمد حافظ فوزى. يتم التشغيل بواسطة Blogger.

أرشيف المدونة

المشاركات الشائعة

الأحد، 29 مارس 2020

الموارد البشريه

حظر التجوال (الكلي / الجزئي) او حظر التجوال له ما له وعليه ما عليه



تنويه  :-  تم نشر هذا المنشور على الصفحه (فيس بوك ) قبل حظر التجوال  بايام


حظر التجوال  الكلي  / الجزئي

#حظر_التجوال_له_ماله_وعليه_ماعليه
#معلومتي_مع_حافظ
#حظر_التجوال_مع_الاتش_ار
لكل اتش ارجي ورجعنا تاني بعد انقطاع سنتين متواصلين بعد ما كنا بنشرح حاجات ف الاتش آر بشكل اسبوعي علي الهاشتاج الأقرب الي قلبي #معلومتي_مع_حافظ وطبعا الرجوع ده نظرا لما تمر به البلاد والعباد
عودتكم دايما ان بنشرح اَي شئ يخص الموارد البشريه بشئ مختلف
وعشان كده حابين نبص علي حظر التجوال من وجهه نظر الموارد البشريه
ندخل ف الموضوع بشكل مختصر
ايه اللي هيحصل للمنشاءات في ظل حظر التجوال ؟  وتعالوا نتكلم في الموضوع ونأخده من جزئيتين :-
الأولي :- حاله الحظر الكلي ( اَي طوال اليوم )
الثانيه :- حاله الحظر الجزئي ( ساعات معينه من اليوم )
اولا :- حظر التجوال الكلي معناه ان سيادتك فليسعك بيتك ولتبكي علي خطيئتك
ده معناه ان مفيش موظفين هيقدروا يروحوا شغلهم وده كلام جميل بالنسبة للموظفين 😂😂
طيب واخبار اصحاب الاعمال ايه يعني راجل صاحب شركه الإنتاج والإيرادات عنده متوقفه وعنده التزامات وفي بند منها اسمه الأجور ايوه الأجور سعدتك صاحب العمل يعمل ايه يدفع من جيبه يعني🙃🙃 سؤال وجيه
الاجابه باختصار عشان منطولش ف تفاصيل
وهنا تأتي المفاجاة انه صندوق أعانه الطوارئ ايوه هو ده اللي بتدفع اَي شركه لديها ٣٠ عامل فاكثر بشكل شهرى ومنتظم
واللي الهدف من إنشاؤه هو :-
صرف مساعدات للعمال الذين تتوقف شركاتهم عن العمل، وتقديم إعانات للعاملين الذين يتوقف صرف أجورهم من المنشأة التى يتم إغلاقها كليًا أو جزئيًا أو تخفيض عدد عمالها المقيدين فى السجلات لدى التأمينات الاجتماعية.
شروط صرف الاعانة:-
تصرف الاعانة لمدة ستة أشهر كحد أقصى إلى أن يتم إعادة التشغيل المناسب للمنشأة و اتخاذ الإجراءات القانونية التي من شأنها عدم استحقاق صرف الإعانة أو حصول العامل على فرصة عمل بلدية أيهما أقري و يكون الصرف بواقع ( 75 % ) من الأجر الأساسي بحد أدنى 150 جنيهاً وحد أقصى 1000 جنيه شهرياً .
-
ان يكون هؤلاء العاملين من المؤمن عليهم لدى التأمينات الإجتماعية .
-
ان يكون العامل قد أمضى بالمنشأة مدة لا تقل عن سنة على الأقل .
-
أن يكون صرف الاعانة للعاملين بالمنشأة التي يسري عليها القانون بشيكات موقعاً عليها من الأمين العام للصندوق أو من يفوضه كتوقيع أو ويكون التوقيع الثاني للمختص بمسك الدفاتر أو من ينوب عنه .
ده القانون 👆🏻👆🏻 ومش عارف هل حدث تعديل للمبالغ ام لا 👇🏻👇🏻
وقريت دلوقتي ان يصرف الأجر الأساسي بنسبه ١٠٠٪؜ بحد ادني ٦٠٠ للموظف  وده حاليا المطبق  لا تم تعديل مبلغ الصرف ومرفق المنشور 
وهنا يأتي التساؤل
هل يعتبر حظر التجوال هو توقف المنشأة علي السداد ؟!
ولو مش توقف
هل هيتم تعويض اصحاب الاعمال طبقا لقانون اعانه الطوارئ ام لا
نرجع بالزمن لورا
في ايّام الثوره العظيمة ٢٠١١ توقفت اصحاب الفنادق لتوقف كلي وفيهم اللي امتنع عن سداد الأجور لفتره ليست بالقصيرة وتم تعويض العاملين عن طريق الصندوق ايوه بمبالغ ضعيفه جداا لكن ف النهايه تم الصرف
وما ذنب اصحاب الاعمال في توقف النشاط لسبب خارج عن ارادتهم والتزامهم بمصروفات هما بيدفعوا لصندوق أعانه الطوارئ بشكل جبري وإلزامي بالقانون عشان يقف معاهم في الظروف دي ؟
هل يعتبر مبالغ التعويض مناسبه للوقت الراهن إذا تم سدادها لأصحاب الاعمال ؟
اسئله يجب علي الوزاره والدولة الاجابه عليها والتفكير بها بعد اتخاذهم القرار
ثانيا :- الحظر الجزئي
ماذا عن الموظفين الذين يعملون بأوقات تتماشي مع نفس أوقات الحظر
بمعني ما هو موقف الموظفين الذين يعملون بورديات ليليه في مواعيد الحظر
مثال تم صدور قرار بحظر التجوال من الساعه ٦ مساءًا وحتى ٦ صباحًا
ما هو المبلغ التعويضي لموظف يعمل من الساعه السابعه مساءًا وحتى الساعه ٣ صباحًا
هل يستحق التعويض كاملا كما هو في الحاله الأولي ام سيتم تعويضه جزئيا فقط ؟
طيب ما هو نسبه المبلغ في التعويض للعاملين في حاله حظر التجوال الجزئي ؟
أخيرا :- ما هو موقف العماله الموسميه والمؤقتة التي لا يشملها القانون ولا تنطق عليها شروط الصرف ؟!

رغم ان هذه العماله هم اكثروا من تضرروا
شخصيا ليا تجربه سيئه مع هذا الصندوق وتم تعقيد الإجراءات ولم يصرف اَي شئ !
اخيرا هل يتحمل اصحاب الاعمال الأجور في تلك اللحظه نظرا للظروف الحاليه الاقتصاديه والصحية التي تمر بها البلاد والعباد بصدر رحب؟!
طب هل هيتم اعتبار انتشار الوباء ضمن صندوق أعانه الطوارئ. ام قوه قهريه منعت صاحب العمل والعامل
وطبعا دي قصه تانيه
اتمني أكون وصلت المعلومة وبصيت علي الموضوع من جميع وجهات النظر ولم يتعلق الامر بعاطفه
وأتمني من الله ان يرفع عنا البلاء والمحن وان يرحمنا برحمته
وسلامي الي كل من تابعني وسألني عن الانقطاع واليكم جميعا

اقرأ المزيد
الموارد البشريه

الاغلاق الكلي / الجزئي لاسباب اقتصادية





الاغلاق الكلي / الجزئي

#صاحب_العمل_له_ماله_وعليه_ماعليه
#معلومتي_مع_حافظ
طبعا كنا اتكلمنا قبل كدة كل ما يخص صندوق اعانه الطوارئ  طب ما تيجو ا نتكلم عن  موضوع تاني من ناحية الظروف الحاليه  من وجهه نظر  القانون  
والسؤال الأهم لحد امتي هيفضل صاحب العمل أجور ومش عارف الموضوع هيوصل لحد فين ولا لحد امتي  ؟
طب صاحب العمل الموضوع بالنسباله مكسب وخساره  وهو مش عارف يجيب أجور ولا مرتبات  العمال  هل يحق ليه تسريح عاملين – تخفيض رواتب الموظفين – نقل الموظف من وظيفه لوظيفه تانيه تختلف اختلافا جوهريا  عن الوظيفه اللى كان بيشغلها  ؟
طبعا لو سالتني السؤال ولو سالته لاي حد فالاجابه الطبيعيه هتكون ان دي من المحظورات ومش بعيد حد يضربك بفاس في راسك
لكن الوضع هنا يختلف وده اللي بتشرحه المواد من الماده 196 الى الماده 201  بتشرح الموضوع ده تفصيلا  ودي المفاجأه  اوباااااااااااااااااااااااااا
الخلاصة ايوه ينفع ( يخفض الاجر – تسريح عماله – نقل الموظف لوظيفه تختلف اختلافا جوهريا عن الوظيفه اللي عين عليه ) بس تحت شروط معينه          
الشروط دي باختصار :-
1-      بيقدم طلب  اذا كان صاحب العمل عنده 10 عمال فاكثر   بيقدمه للجنه  بتشكل للغرض ده واللي بيشكل اللجنه دي الوزير المختص (وزير القوى العامله)
2-      بيكتب الأسباب اللي اضطرته يقدم الطلب ده وااللي بستند عليها
3-      يذكر أسماء وفئات العمال اللي هيستغني عنهم


ايه هي اللجنه دي
الوزير المختص  بيشكل لجنتين :-
-          لجنه لقبول طلبات الاعمال
-          لجنه للتظلمات
1-      اللجنه الخاصه بقبول طلب الاغلاق الكلي / الجزئي 
ودي يا عم بتنظر في الطلبات المقدمه واسبابها وأسماء الناس ووظائفهم اللي هيتم الاستغناء عنهم وكمان لازم تبت في الطلب خلال 30 يوم  ولازم تذكر سبب اتخاذها القرار  سواء بقبول الطلب او رفضه .
2-      لجنه التظلمات
ودي لجنه بتنظر في التظلمات المقدمه بالموافقه علي قبول الطلب من أصحاب الشأن والمتضررين  وبيترتب علي التظلم من القرار  وقف تنفيذه .

طب يا عم حافظ القرار صدر بالموافقه  بالاغلاق الكلي / الجزئي  ومحدش قدم تظلمات او التظلمات اترفضت  ايه اللي هيحصل .
طب اللجنه بتحدد ميعاد التنفيذ يعني ممكن تحدده بتاريخ اليوم اللي صدر فيه القرار   او تحدده بتاريخ مستقبلي حسب ما تري اللجنه .
تيجي بقي المرحله اللي بعد كده بيروح صاحب العمل يبلغ النقابه بالقرار الصادر بالاغلاق الكلي / الجزئي 
طب ما هو دور النقابه ؟
اذا كانت الاتفاقيه الجماعيه الساريه في المنشاه مجددتش المعايير  الموضوعيه  لاختيار مين اللي هيتم الاستعناء عنهن من الموظفين والعمال  فيجي هنا دور النقابه .
يروح صاحب العمل يتشاور  مع النقابه قبل التنفيذ وبعد صدور القرار  علي الأسس والمعايير اللي هتوضع في الاستغناء عن العماله وبيراعي فيها الاتي :-
(الاقدميه –الأعباء العائليه –السن – القدرات والمهارات المهنيه  وممكن تحط معايير اخري ) وطبعا بيراعي الموازنه بين مصالع المنشأه والعمال )

طب خلاص صدر القرار والنقابه وافقت وصاحب العمل بقي ليه حق يسرح عماله  ايه اللى هيتم ؟
تيجي هنا الماده 201   يجوز لصاحب العمل بدلا من انهاء  عقد العمل لاسباب اقتصاديه  انه يعدل من شروط العقد يا لهوي يعدل من شروط العقد ايوه يا معلم يعدل من شروط العقد
فهنا ليه الحق مثلا في الاتي :-
1-      يكلف العامل بعمل غير متفق عليه ولو كان يختلف اختلافا جوهريا من عمله الأصلي
2-      تخفيض اجر العامل  بما لا يقل عن الحد الادني للأجور
3-      ينهي  عقد العمل دون فتره اخطار
بس الكلام ده طبعا مش هيلا هوب كده  لا ده مرتبط بشرطين :-
1-      موافقه العامل / الموظف موافقه كتابيه
2-      ان يكون الكلام ده لفتره مؤقته  مينفعش يعني طول العمر
طب افرض العامل رفض وقال لا يا عم انا مش موافق علي الكلام ده  وخلاص مهي مش بالعافيه
هنا يبقي ليه حقوق  طب ايه هي الحقوق   ؟
هنا بقي يستحق العامل / الموظف مكافأه  تعادل الاجر الشامل لشهر عن كل سنه من الخمس سنين الاولي من سنوات الخدمه . وشهر ونص عن كل سنه تجاوز الخمس سنوات .

وعشان كده قولنا مش سبهلله هي
اتمني أكون وضحت كل حاجة  وشكرا جزيلا ليكم
#معلومتي_مع_حافظ

اقرأ المزيد

الجمعة، 27 مارس 2020

الموارد البشريه

صندوق اعانه الطوارئ واجراءاته



صندوق اعانة الطوارئ

#لكل_اتش_ارجي
#معلومتي_مع_حافظ
كنا اتكلمنا في البوست اللى فات واللى كان اسمه #حظر_التجوال_له_ماله_وعليه_ما_عليه عن شويه حاجات كده تخص صندوق اعانه الطوارئ وكنت بلغتكم بالخبر السعيد ان مكاتب العمل جالها قرار باستقبال طلبات الصرف من الصندوق واللى جه كان بيقصد السياحه تحديدا ولكن اعتقد انه هيعمم . طب تعالو نراجع بسرعه  هنقول ايه هو صندوق اعانه الطوارئ  - شروط الصرف من الصندوق – إجراءات الصرف من الصندوق  - وهنفرق كل ده بمستنداته . طب نبدأ من الأول
ايه هو صندوق اعانه الطوارئ  ؟
ده يا عم صندوق أنشئ خصيصا  للازمات اللي بتحصل للشركات واللي يخليها ما تقدرش تصرف أجور الموظفين  فالصندوق ده بيصرف المساعدات  والاعانات للعمال اللي شركتهم توقفت عن صرف الأجور او اللي حصل ليها اغلاق كلي او جزئي
السؤال التاني  : ما هي موارد الصندوق (اعانه الطوارئ )
طبعا يا معلم موارد الصندوق ده أولا من كل الشركات اللي موظفيها من 30 عامل  او اكثر ودي بتلتزم بدفع 1% من اجمالي الأجور الاساسيه بشكل شهري  وعلى فكره سواء المنشاءات دي قطاع عام او خاص او حكومي اه ما تفتكرهاش كوسه ياعم  طب وشركات الجيش لا انا ماليش دعوه ومعرفش ومش عايز اعرف
كمان من موارد الصندوق الغرامات  نتيجه عدم الالتزام بالدفع طب ودي كام يا عم حافظ  دي يا معلم 50 % من اجمالي القيمه المستحقه خلال الشهر التأخير طب وهيعرفوا ازاي لا بقى ما تعملش صايع  لان هنا عريان يا معلم التأمينات مربوطه بالصندوق  فكده كده متشاف يعني متصعش  (هتدفع يعني هتدفع )
وكمان أي تبرعات او هبات اللى بتيجي من الناس اللى هي بتبقشش  واللي طبعا لازم يقبلها رئيس الصندوق  (اعانه الطوارئ ) طب هو يا حافظ ممكن رئيس الصندوق ما يقبلش  يا راجل كبر مخك 
وكمان من عائد استثمار المبالغ دي في البنوك ايوه فلوس الصندوق محطوطه في البنوك وكل يوم بتعد يا معلم والدنيا زي الفل وكمان بيتعمل قوام ماليه كل سنه كأنه شركه يعني .
طبعا عارفين ان الجهاز المركزي للمحاسبات هو اللى بيراقب على موضوع الصندوق ده زيه زي أي جهه
طب مين أعضاء ومجلس اداره الصندوق :-
عندك الباشا الكبير  وزير القوي العامله
وبعض الأعضاء حسب خبراتهم ووظائفهم
وشويه رجاله حيتان كده بيمثلوا أصحاب الاعمال ايوه مش احنا بندفع نبقي أعضاء برضه
وطبعا شويه رجاله كده بيمثلو النقابات  وركز ع النقابات عشان دول لا مؤاخذه خازوق جاي ف السكه
وطبعا اللى بيشكل مجلس اداره الصندوق وأعضاء والليله الكبيره دي سعتك هو رئيس الوزراء
شكرا يا عم حافظ طب ايه شروط الصرف من الصندوق ؟
- تصرف الاعانة لمدة ستة أشهر كحد أقصى إلى أن يتم إعادة التشغيل المناسب للمنشأة و اتخاذ الإجراءات القانونية التي من شأنها عدم استحقاق صرف الإعانة أو حصول العامل على فرصة عمل بديلة أيهما أقرب و يكون الصرف بواقع ( 75 % ) من الأجر الأساسي بحد أدنى 150 جنيهاً وحد أقصى 1000 جنيه شهرياً علما بأن تم تعديل مبلغ الصرف واصبح  الصرف بكامل الاجر الأساسي 100% من الاجر الاساسي  بحد ادني 600 جنيهاومرفق المستند . .
- ان يكون هؤلاء العاملين من المؤمن عليهم لدى التأمينات الإجتماعية .
- ان يكون العالم قد أمضى بالمنشأة مدة لا تقل عن سنة على الأقل .
- أن يكون صرف الاعانة للعاملين بالمنشأة التي يسري عليها القانون بشيكات موقعاً عليها من الأمين العام للصندوق أو من يفوضه كتوقيع أو ويكون التوقيع الثاني للمختص بمسك الدفاتر أو من ينوب عنه
كمان في افتكاسه جديد وهي خطابات من النقابات التي تخضع لها المنشأه
كمان لا يجوز ان يكون اجمالي المبالغ المصروفه بأكثر من 20 % مناجمالي موارد الصندوق وقت الصرف ودي حاجه جميله عجيبه غريبه مريبه 
طب يا عم حافظ من اللي ليه حق يصرف  ؟
رئيس الصندوق اللى هو قلنا قبل كده وزير القوي العامله بيقدم تقرير بكل حاله لرئيس الوزراء ورئيس الوزراء يعتمد الصرف بس في الوقت ده اعتقد الموضوع صعب .
طب نختصر وندخل في المفيد  ما هي إجراءات الصرف من الصندوق   ؟
بس يا عم إجراءات الصرف بتتكون من  6  نماذج بتملاهم وهيلا هوب بتقدمهم لمكتب العمل  وهرفقهم ليك في البوست
النماذج دي عباره عن :-
1-      طلب صرف اعانه الطوارئ
2-      تقرير توقف جزئي / كلي
3-      بيان العمال المضارين من التوقف
4-      تقرير النقابه التابعه ليها الموؤسسه  عن حاله التوقف الجزئي / الكلي
5-      تعهد باخطار الصندوق عن اعاده التشغيل
6-      تفويض وتعهد
الموضوع مش محتاج شرح لاني هرفق ليكم المستندات تملوها وبتعمل ملف وتسلمه لمكتب العمل التابع ليه وهو هيساعدك في باقي الإجراءات . في الحاله اللي احنا فيها اعتقد ان موضوع النقابه مش هيتفعل وهيتسهل .

الموضوع المهم  التاني بقي موضوع العماله المؤقته واللى الدوله قالت هنصرف ليهم 500 ج كاعانه
يا جماعه الموضوع مش بالسهوله دي
لازم العماله دي يكون ليها كارنيه والكارنيه ده أصلا بيتعمل من مكتب العمل وهو شغال بصوره البطاقه
ولازم العماله دي يكون بيدفع ليها  3 % اعانه طوارئ .
وبناء على الكلام ده بيصرف  يعني موضوع سجل بياناتك  عشان تصرف ده بلح البلح يعني 

اتمني أكون وضحت كل حاجه باختصار  وشكرا ليكم جداا واللي عنده سؤال ممكن يسال في  تعليق وان شاء الله اجاوبه .
كمان انتظروا ان شاء الله فيديو للموضوع ده وكمان شرح للتوقف الجزئي والكلي للمنشات واثره
#معلومتي_مع_حافظ




اقرأ المزيد

الخميس، 30 مارس 2017

الموارد البشريه

الفرق بين القانون واللوائح (وسرح ما يسمى بأجازه الوفاه )

بخصوص ما يسمى بأجازات الوفاه فى قانون العمل 
عشان ننهى الموضوع فى السؤال ده
ما فييييييييش الكلامه ده :D فى قانون العمل رقم 12 لسنه 2003
لازم نفرق بين حاجتين القانون واللوائح
 القانون هو اللى بيجبرنا اننا ننفذ اللى جواه والقانون بيحطه المتخصصين بعد عرضه واقراره من مجلس الشعب وف قانون العمل ١٢لسنه ٢۰۰٣
يسرى ع كافه الخاضعين ليه
وما فيهوش حاجه بخصوص اجازات وفاه  يعنى لو حد احد اقاربه اتوفى او حتى والده هياخد اجازه من رصيده عادى 
اما اللوائح فهى اما بتقر حاجه ذاكرها القانون بكوبى بيست يعنى بالظبط دون اضافه او استفطاع
 او بتضيف ميزه اضافيه عن القانون وف حاله اضافه الميزه تصبح قانون جوه المكان اللى اتحطت فيهوواجبه التطبيق لكن مينفعش تشيل ميزه حطها القانون لان القانون اعلى من اللوائح ف المرتبه 
واللائحه بتحطها الشركات تبعا لظروفها ومقتضياتها بشرط لا تخالف الدستور ولا القانون
ويجوز اضافه بند منح الوفاه  للدرجه الاولى وحتى اخر درجه كما ترى الشركه ويحق ليها انها متحطهاش برضه ولو اتحطت هتبقى ملزمه للشركه .وملزمه للشركه اللى عملت اللائحه فقط مش الشركات اللى جنبها يعنى :D
مثال
لو قولنا ان القانون بيدى للعامل واحد وعشرين يوم ...يبقى هو ده اللى يتنفذ 
لو اللائحه قالت ان الموظف ياخد عشرين يوم ونص يقع ماده اللائحه باطله
 اما لو اللائحه قالت ان الموظف ياخد خمسه وعشرين يوم يبقى اللائحه هى اللى تتنفذ لانها اعطت ميزه اضافيه للعامل
 وواللى بيحط اللائحه هى الشركه بشرط عدم مخالفه الدستور والقانون طبقا لما تراه مناسبا ويتماشى مع ظروفها واهدافها 
...............
الخلاصه وجود ماده ف اللائحه تعطى ميزه اعلى من القانون يتم الاخذ بيها واهمال ماده القانون
وجود ماده ف اللائحه تنزع ميزه من القانون يتم الغاء ماده اللائحه وتنفذ ماده القانون
.........
للاسف كتير مننا بيدمج الاتنين مع بعض ويعتبرهم قانون لانهم مقسمين مواد وده غلط
اقرأ المزيد

الأحد، 18 ديسمبر 2016

الموارد البشريه

تخطيط عمليه التقييم (ROI)



تخطيط عملية التقييم :
يوجد عدة اجزاء لابد من شرحها عند تطوير خطة التقييم لل ROI. ويوجد 3 عناصر اساسية نعتمد عليهم ( الهدف – الجدوى – اهداف البرنامج ) ومن اهداف التقييم :
- تحسين جودة التدريب
- تحديد إذا قام التدريب بتحقيق اهدافه ام لا
- تحديد نقاط القوه والضعف فى العملية التعليمية
- تحديد مميزات / تكلفة التدريب
- تحديد إذا كان البرنامج التدريبي مناسب للفئة المستهدفة ام لا
من الأشياء المهمة فى تخطيط ال ROI هو تحديد المستوى المناسب للتقييم. فى بعض التقيمات يكون المستوى حتى الثالث ( مدى التعلم من التدريب) وبعض التدريبات حتى المستوى الرابع.
لكى نستطيع تقييم ال ROI لابد من تقييم التدريب حتى المستوى الرابع ولكى نصل إلى المستوى الخامس ( مرحلة ال ROI ) لابد من ان نسال الأتى :
- ما هى المؤثرات على هذا البرنامج التدريبي
- هل يمكن قياس المؤثرات
- هل تكلفة التدريب متاحة
- هل يوجد جدوى لمناقشة التكلفة
- هل تاثير البرنامج التدريبى يمكن تحويله إلى نقود
- هل نحتاج فعليا إلى ال ROI
قبل القيام بتنفيذ التقييم وقياس ال ROI لابد من تحديد اهداف البرنامج التدريبي وتحديد عمق التقييم الذى سوف يتم.
الرسم البيانى التالى يوضح الإحتياجات والأهداف ومستوى التقييم
من اهم المراحل فى ال ROI هو تجميع البيانات ويمكن إستخدام اى من الطرق التالية لتجميع البيانات :
• الإستبيانات : تستخدم لقياس مدى رضى الحاضربن عن التدريب
• إستطلاع راى ( Questionnaires ) : تكون مفصلة اكثر من الإستبيانات وتستخدم لقياس الأربع مراحل من التقييم
• الإختبارات : وتستخدم لقياس التغير فى المعرفة او المهارات وتكون بطرق مختلفة وتقيس المرحلة الثانية.
• ملاحظه اثناء العمل: لنتمكن من معرفة المهارات الفعلية المكتسبة من التدريب
• المقابلات : تتم بعد التدريب ويفضل ان تكون بعد ثلاثة اسابيع مع الأشخاص الذين حضروا التدريب لمناقشتهم عن مدى تطورهم من وجهة نظرهم.
• المتابعة : إستلام تقارير من المشرفين والمدريين عن مدى تطور اداء من حضر التدريب.
لتحويل المهارات المكتسبة من التدريب والتمكن من قياسها بالـ ROI فى المرحلة الخامسة لا بد من إتباع الأتى :
• يتم تحويل المخرجات إلى ربح او تقليل التكاليف المتطلبة لأداء الوظيفة
• تكلفة الجودة وتحسن الجودة يتم تحوليها فوريا إلى تقليل التكاليف
• فى البرامج التدريبية التى تؤدى إلى توفير وقت العمل يتم إستخدام مرتب العاملين إلى تحويل الوقت لمبلغ مادى
• عند توافر فرصة إستشاريين داخليين وخارجيين يتم لتقدير قيمة التطوير
يجب ايضا مراعاة النقاط التالية فى تكلفة حساب ال ROI :
• تكلفة تصميم المادة التدريبية
• تكلفة كل المواد التدريبية للمتدرب
• تكلفة المدربين سواء كان موظف بالشركة او من خارج الشركة
• تكلفة القاعات التدريبية وكل ما يتعلق بها
• تكاليف السفر والإنتقالات إن وجدت
• تكلفة مرتبات النتدربين فى فترة التدريب
• التكاليف الإدارية لتنظيم التدريب
الكاتب :- مصطفى الحديدى 
لمتابعه باقى البوستات  تابع صفحه :- مصطفى الحديدى
https://www.facebook.com/hellkid?fref=nf


#
ROI
اقرأ المزيد

الاثنين، 12 ديسمبر 2016

الموارد البشريه

شرح للاجازات بدون مرتب




بالنسبه للاجازات بدون مرتب :-

شرح للاجازات بدون مرتب

حالات الاجازه بدون مرتب

ليس هناك فى القانون ما يدعى باجازه بدون مرتب الا فى حالتين :-
الحاله الاولى :- اخر ثلاثه اشهر فى الاجازه المرضى للمنشات الصناعيه
طبقا للماده 54 :للعامل الذي يثبت مرضه الحق في إجازة مرضية تحددها الجهة الطبية المختصة ، ويستحق العامل خلالها تعويضاً عن الأجر وفقاً لما يحدده قانون التأمينات الإجتماعي .
ويكون للعامل الذي يثبت مرضه في المنشآت الصناعية التي تسري في شأنها أحكام المادتين 1 ،8 من القانون رقم 21 لسنة 1958 في شأن تنظيم الصناعة وتشجيعها ، الحق في إجازة مرضية كل ثلاث سنوات تقضي في الخدمة علي أساس شهر بأجر كامل ثم ثمانية أشهر بأجر يعادل (75%) من أجره
ثم ثلاثة أشهر بدون أجر ، وذلك إذا قررت الجهة الطبية المختصة احتمال شفاؤه . الغرامه من  100 – 500 جنيها
الحاله الثانيه :-  سنتين رعايه طفل للمراه فى المنشأت التى بها اكثر من 50 عامله وتستحقها لمده مرتين طوال خدمتها .
طبقا لقانون رعايه الطفل بعد التعديل 2008.
مادة 94:مع مراعاة حكم الفقرة الثانية من المادة (72) من قانون الطفل الصادر بالقانون رقم 12 لسنة 1996 ، يكون للعاملة في المنشأة التي تستخدم خمسين عاملاً فأكثر الحق في الحصول علي إجازة بدون أجر لمدة لا تتجاوز سنتين وذلك لرعاية طفلها ،
ولا تستحق هذه الإجازة لأكثر من مرتين طوال مدة خدمتها. الغرامه من 100 -200 جنيها
صاحب العمل  :-  لا يقع على صاحب العمل اى التزام مادى كالاجر الشهرى فى هذه المده ويعتبر العقد ساريا كما هو فى الحاله الاولى ..اما فى الحاله الثانيه فيقع على عاتق العامله اختيار بين 25% من الاجر وتتحمل هى دفع حصتها فى التامينات أو تتنازل عن ال 25 % مقابل ان يدفع لها صاحب العمل حصه التامينات عن الاساسى والمتغير  .
العامل:- يلتزم العامل بدفع الاجر التأمينى عن الاجر الاساسى والمتغير .


الاستثناءات

فى حاله وجود لائحه داخليه  تنظم الاجازات بدون مرتب فهنا يلتزم صاحب العمل بهذه اللائحه
فى حاله وجود اتفاق ودى بين العامل  وصاحب العمل فى هذه الاجازه بدون مرتب  يحق للعامل الحصول عليها

الالتزام

صاحب العمل  :-  لا يقع على صاحب العمل اى التزام مادى كالاجر الشهرى فى هذه المده ويعتبر العقد ساريا كما هو .

العامل:- يلتزم العامل بدفع الاجر التأمينى عن الاجر الاساسى والمتغير .

اقرأ المزيد