الاثنين، 28 مارس 2016

الموارد البشريه

الفرق بين البطاقه الصحيه والشهاده الصحيه وفايدة نموزج 111

طيب فيه فرق بين حاجتين
 البطاقه الصحيه 
والشهاده الصحيه

 اولا : البطاقه الصحيه او الخضراء زى ما بيقول العرف هى بتطلع من التامين الصحى عشان الموظف يكشف بيها
 ودى بتتعمل لكل الموظفين وعشان تعملها لازم يكون الموظف عامل كشف طبى ابتدائى نموزج ١١١
 وبتعمل ليها نموزج حصر منتفعين وبيتم استخراج البطاقه
ثانيا : اما الشهاده الصحيه
 فهى  بتتتعمل لكل اللى بيشتغل ف الاغذيه والمشروبات ومده صلاحيتها سنتين الموظف بيروح يعمل تحاليل وكشوفات وصورتين شخصيتين  وبيدفع٣٥جنيه وياخدها ده الفرق بينهم

 اما بخصوص سؤال  مينفعش اعمل البطاقه الا بعد مرور3 شهور

ينفع تعمل البطاقه الصحيه وقتما تشاء طالما الموظف عامل كشف طبى اولى  على نموزج ١١١ وشرط ال ٣شهور مش موجود وغير ملزم.

المهم نشرح بقى ليه المفروض البطاقه الصحيه بتطلع للموظف من اول يوم تامين عليه وعمل

 بص يا معلم

احنا قولنا ان. موضوع ال ٣شهور مش ملزم وان مافيش حاجه ف التامين الصحى ولا التامينات بتقول موضوع ال،٣ شهور

 طب ليه با حافظ بص يا معلم البطاقه الصحيه دى انت بتعملها بناءا على ايه  طبعا يا حافظ عشان المرضى واصابات العمل

 وعشان تبقى مغطى بيها يعنى لو فيه اصابه عمل او مرضى بيتم الكشف او العرض ع اللجنه بناءا على تلك البطاقه الحمقاء الخضراء والتى تعنى البطاقه الصحيه.

 وبما البطاقه الصحيه بتطلع  عشان موضوع المرضى والاصابه وبتغطيهم ...يبقى لازم تبص على انت بتدفع ايه عشان المرضى والاصابه.

 هتلاقى نفسك بتدفع اشتراك من اول يوم تامين اجتماعى فى وعاء اسمه المرضى ووعاء اسمه اصابه العمل
 هتلاقى ع الاجر الاساسى والمتغير  يعنى انت بتدفع اشتراك للمرضى والاصابه من اول يوم تامين وبناءا عليه طالما بتدفع اشتراك من اول يوم يبقى يحق ليك تتطلع البطاقه  الصحيه من اول يوم عشان تستفيد بالاشتراك اللى بتدفعه من اول يوم ووعشان كده بتم الاستعلام عليك من التامينات عشان يعرفوا انت بتدفع الاشتراك ولا لا
بس الخطأ الكارثى هنا ان التامينات مشبترضى تصرف المرضى الا بعد 3 شهور تامينيه متصله او سته شهور منفصله لعدم التحايل فى الحصول على المرضى وده انا ضده قلبا وقالبا !
يعنى مثال انت بتدفع اشتراك ميديكال خاص عشان تستنفع بيه من اول يوم دى زى دى بس خلاص

طب ليه التأمين الصحى بيقولى بعد 3  شهور يا حافظ

 ليه التامين الصحى بيقولك ٣شهورعارف ليه عشان الاستقرار الوظيفى بمعنى ميطلعوش بطاقه والموظف يمشى فبيستنوه يستقر
وهل ده صح؟
 لا مش صح وهل ده معناه اسلم لكلامهم لا متسلمش لكلامهم طب وايه ضرر ده لو سلمت لكلامهم
 ان حضرتك مش هتعرف تعتمد اجازه مرضى ولا اصابه ف اول ٣شهور لاى موظف
‪‪ وده معناه ايه كبزنس
معناه كبزنس انك بضيع فلوس التعويض من التامينات على الموظف وبالتالى انت بتذفعها وبالتالى بتخسر الشركه فلوس يعنى المفروض تروح وما تكملش فى مكانك لانك بتخسر الشركه حقوقها.

ماذا لو فعلا ان البطاقه بتستخرج بعد 3 شهور واضرارها

 الكارثه ان التامينات كده بتقولك ادفع اشتراك ومش مستفيد بيه ده من ناحيه
الناحيه التانيه انك غير مغطى اول ٣شهور كموظف فى حاله توقف الراتب فى العجز او الاصابه او المرضى
الكارثه الاخيره ان صاحب العمل نفسه يقدر يقولك ماليش فيه وانا بدفع للتامينات عشان المرضى وروح اتعامل معاها

فائده نموزج 111

بالنسبه للعامل

بيبقى تحت المظله التامينيه التعويضيه ف حاله توقف الراتب اما بالمرض او اصابه العمل او العجز ايا كان طيب لو العامل حصلتله اﻻصابة وماكانش العامل كشف .. هيستتى شهر.
ابالنسبه لصاحب العمل
 فبيخليه تحت مظله الحمايه من القانون وانه فيه مقابل لما يدفعه باشتراكات للعامل وبالتالى فى
حاله توقف الراتب صاحب العمل ما بيدفعش للعامل الا ف حدود ضيقهمش هيعرف يعمل الاصابه يا رافت لو حصلتله اصابه وبالتالىي يتحمل صاحب العمل المسئوليه كامله




الموارد البشريه

About الموارد البشريه -

المدونه تتكلم ببساطه عن مجال الاتش ار بشرح سهل ومبسط والهدف منها توصيل المعلومه مجانيه للجميع .

Subscribe to this Blog via Email :

1 التعليقات:

Write التعليقات
Unknown
AUTHOR
21 أكتوبر 2018 في 3:43 م delete

طب لو معملتش كشف طبي بعد التعيين بفترة كبيرة اعمل ايه

تعليق
avatar