شرح تشغيل الطفل
بص يا معلم اللى سنه اقل من ١٨ سنه بنعتبره طفل والطفل فيه بعض القواعد اللى بتحكمه لو اقل من ١٦سنه لازم صاحب العمل يديه كارنيه تثبت هويته وعليه صوره شخصيه وموافقه من مكتب العمل ع الكارنيه مينفعش يشتغل اكتر من ٦ساعات
ولازم ساعه راحه ف النص ومينفعش يشتغل باكتر من اربع ساعات متصله
ومينفعش يشتغل اضافى ولا يوم راحته ولا حتى ايام الاعيادومينفعش يشتغل ف الفتره الليليه ٧مساءا ل ٧صباحا ولازم لما تشغل طفل عندك او اكتر تعلق لائحه تشغيل الاطفال مش بس كده كمان كشف بساعات العمل وفترات الراحه وتعتمده من مكتب العمل
وكمان تبلغهم بالاطفال اللى شغالين عندك والطفل هو اى حد ما اتمش ١٨ سنه دى وضحت.
شرح عقد التدرج
اما بقى عن التدرج اى حد بيشتغل عشان يتعلم مهنه يبقى متدرجوده اسمه اتفاق الاتفاق لازم يكون مكتوب وبيتحدد فيه المهنه او الصنعه او الحاجه اللى هيتعلمها المتدرج.
نهابه عقد التدرج بتكون اخطار قبلها ب٣ايام سواء للعامل او صاحب العمل وطبعا اجازاته وراحات زيه زى بقيه الموظفين
ولازم اتفاق التدرج يكون مكتوب ومش بس كده كمان تحدد فيه المكافاه مش بس كده ده كمان ليه شروط
بشرط متقلش عند الحد الادنى للاجور فى اخر مرحله ليه يعنى تجوز تقل ف الاول لكن ف الاخر
كيفيه انهاء عقد التدرج
ولازم عشان يتم انهاء التدرج
اما بان الراجل اصبح مؤهل بنهايه عقد التدرج او انه غير صالح لتعلم المهنه
ولازم يتم اخطار المتدرج بانهاء عقد التدرج قبلها ب ٣ايام
او ان المتدرج يقول لصاحب العمل قبلها ب 3 ايام برضه انا مش هكمل معاك
طبيعه عقد التدرج ايه ؟
كالعاده ف مصر ف اختلاف ناس تقولك ده عقد عمل وناس تقولك لا ده مش عقد عمل
بس الراجح انه مش عقد عمل لان ببساطه صاحب العمل هوالللى بيعلم العامل المهنه والقضاء نفسه قال كده وان العامل المتدرج لا يلتزم باداء عمل لصاحب العمل .
