شرح الاجازات

شرح للأجازات

مادة 47 : تكون مدة الإجازة السنوية 21 يوماً بأجر كامل لمن امضي في الخدمة سنة كاملة ،تزاد إلي ثلاثين يوماً متي أمضي العامل في الخدمة عشر سنوات لدي صاحب عمل أو أكثر ، كما تكون الإجازة لمدة ثلاثين يوماً في السنة لمن تجاوز سن الخمسين ، ولا يدخل في حساب الإجازة أيام العطلات الأعياد والمناسبات الرسمية والراحة الأسبوعية .
وإذا قلت مدة خدمة العامل عن سنة استحق إجازة بنسبة المدة التي قضاها في العمل بشرط أن يكون قد امضي مدة ستة أشهر في خدمة صاحب العمل .
وفي جميع الأحوال تزاد مدة الإجازة السنوية سبعة أيام للعمال الذين يعملون في الأعمال الصعبة أو الخطرة أو المضرة بالصحة أو في المناطق النائية والتي يصدر بتحديدها قرار من الوزير المختص بعد أخذ رأي الجهات المعنية .
ومع مراعاة حكم الفقرة الثانية من المادة (48) من هذا القانون ، لا يجوز للعامل النزول عن إجازته .
مادة 48: يحدد صاحب العمل مواعيد الإجازة السنوية حسب مقتضيات العمل وظروفه ، ولا يجوز قطعها إلا لأسباب قوية تقتضيها مصلحة العمل .
ويلتزم العامل بالقيام بالإجازة في التاريخ وللمدة التي حددها صاحب العمل وإذا رفض العامل كتابة بالقيام بالإجازة سقط حقه في اقتضاء مقابلها .
وفي جميع الأحوال يجب أن يحصل العامل علي إجازة سنوية مدتها خمسة عشر يوماً ، منها ستة أيام متصلة علي الأقل ،ويلتزم صاحب العمل بتسوية رصيد الإجازات او الأجر المقابل له كل ثلاث سنوات علي الأكثر فإذا انتهت علاقة العمل قبل استنفاد العامل رصيد إجازته السنوية استحق الأجر المقابل لهذا الرصيد.
ولا يجوز تجزئة الإجازة أو ضمها او تأجيلها بالنسبة للأطفال.
مادة 49: للعامل الحق في تحديد موعد إجازته السنوية اذا كان متقدمأ لأداء الامتحان في إحدي المراحل التعليمية بشرط أن يخطر صاحب العمل قبل قيامه بالإجازه بخمسة عشر يوماً علي الأقل.
مادة 50:لصاحب العمل ان يحرم العامل من أجره مدة الإجازه ، أو يسترد ما أداه من أجر عنها ، إذا ثبت اشتغاله خلالها لدي صاحب عمل آخر ، وذلك دون إخلال بالجزاء التأديبي .
مادة 51 : للعامل ان ينقطع عن العمل لسبب عارض لمدة لا تتجاوز ستة أيام خلال السنة وبحد أقصي يومان في المرة الواحدة ، وتحسب الإجازة العارضة من الإجازة السنوية المقررة للعامل.
مادة 52 : للعامل الحق في إجازة بأجر كامل في الأعياد التي يصدر بتحديدها قرار من الوزير المختص بحد أقصي ثلاثة عشر يوماً في السنة .
ولصاحب العمل تشغيل العامل في هذه الأيام اذا إقتضت ظروف العمل ذلك ،ويستحق العامل في هذه الحالة بالاضافة إلي اجره عن هذا اليوم مثلي هذا الأجر.
مادة 53 : للعامل الذي أمضي في خدمة صاحب العمل خمس سنوات متصلة الحق في إجازة بأجر كامل لمدة شهر لأداء فريضة الحج أو زيارة بيت المقدس ، وتكون هذه الإجازة مرة واحدة طوال مدة خدمته .

العقوبه

مادة 246: يعاقب صاحب العمل أو من يمثله عن المنشأة الذي يخالف حكم المادة (48 : 53) من هذا القانون بغرامة لا تقل عن مائة جنيه ولا تجاوز خمسمائة جنيه .

الخلاصه

الاجازات  

بالنسبه لجميع الموظفين = 21 يوم

المجتمعات العمرانيه او الاعمال الخطره  = 7 ايام مناطق نائيه

بالنسبه للمجتمعات العمرانيه البعيده عن العمران او الاعمال الخطره  = 21 + 7

بالنسبه لمن امضى 10 سنين تامينيه او عمل لدى صاحب عمل لمده عشر سنوات او بلغ سن الخمسين  = 30 يوم

لو الراجل اللى فوق ده شغال في اماكن بعيده عن العمران او اعمال خطره  يبقى 30 يوم +7 ايام

تقسيمه الاجازات

6 ايام عارضه (دى ثابت لجميع الموظفين لا تزيد ولا بتنقص ) ليه حق ياخدهم في اى وقت بشرط الايتعدى يومين عن كل مره . (يعنى لو خد يومين كل مره مش هيقدر ياخد اكتر من 3 مرات )

كمان يحق ليه ياخد يوم عارض على كل مره يعنى يبقى مجموع المرات  (6 مرات)

مين اللى ليه الحق يحدد الاجازه عارضه ولا مش عارضه

اللى ليه الحق هو واحد بس الموظف .

طب ده ممكن يضر بمصالح العمل وانا بعملها بشرط ان يبلغ مديره الكلام ده مش قانونى لان لو صاحب العمل حدد الاجازه العارضه وقيمها يبقى مفيش موظفين هتاخد اجازات عارضه .

ايوه يعنى ملكش حق تقول الاجازه دى مش عارضه .

باقى الايام بعد استبعاد 6 ايام عارضه تعتبر اعتيادى .

بس اجبر القانون صاحب العمل ان الموظف ياخد منهم 6 ايام متصله  .

مين اللى يحدد الاجازات

العارضه : - الموظف

الاعتيادى :- صاحب العمل

اجازه الامتحانات : العامل بشرط ان يبلغ صاحب العمل قبلها ب   15 يوم

اجازه الامتحانات تعتبر ضمن الاجازات الاعتياديه .

العامل نفسه ميقدرش يتنازل عن اجازاته لان ده حق معنوى مينفعش التنازل عنه  

صاحب العمل لو حدد اجازه يبقى العامل لازم يقوم بيها ولو رفضها يبقى الرفض كتابى ولو رفضها كتابى يبقى يسقط حقه في انه ياخد مقابل ليها بعد تسويتها .

لو العامل خد الاجازه واشتغل في السكرته مع حد تانى في الاجازه يبقى يحق لصاحب العمل انه يسترد المبلغ اللى اداهوله لحق للاجازه ومش بس كده يعاقبه ويديه جزاء طبقا للائحه الجزاءات .

تسويه الاجازات كل 3 سنين .

يعنى كل 3 سنين تدى الموظف حقه في الاجازات اللى باقيه ليه .

طب التسويه دى تتم ازاى كل ال 3 سنين ولا السنه اللى مر عليها 3 سنين زز الصح يا معلم انك تسوى السنه اللى عدى عليها 3 سنين مش كل السنين  بس فيه ناس بتخلى رصيد العامل صفر وكله في الهجايص.

مثال :-

محمد حافظ	2013	3
محمدحافظ	2014	5
محمد حافظ	2015	7

اهو محمد حافظ في الجدول شغال 3 سنين وكل سنه ليه رصيد معين المفروض بعد مرور 3 سنين اسوى انهى رصيد ؟

سؤال كويس في ناس بتسوى كل الرصيد بعد مرور 3 سنين وتخليه صفر وده شغال في ام الدنيا اللى هي اد الدنيا

بس الاصح انك تسوى رصيد السنه اللى مر عليها 3 سنين يعنى الاصح انك تسوى في المثال اللى فوق سنه 2013 وتديه حقه في 3 ايام رصيد .

اخيرا بقى 

فيه فرق بين الحق والاستحقاق

يعنى الموظف ليه الحق في اجازات من تاريخ تعيينه بس استحقاقه للاجازه نفسها بيبقى بعد مرور 6 شهور .

يعنى موظف اتعين في 1/1/2016

بيفضل مجمد رصيده الى 30/6/2016    ونديلوا (21 يوم رصيد)  واى اجازه قبل التاريخ ده بتبقى تحت مسمى حلو كده احنا عاملينوا كعرف اجازه بدون مرتب .

وفيه ناس بتنسب للموظف للى بياخد 21 يوم مثلا تديه كل شهر  =1.75

اعمل اللى تعمله اهم حاجه تكون مرتاح

ملحوظه مهمه جداااااااااااااا

اجمالى الاجازات فى القطاع الخاص  هى كتله واحده يعنى لو مخدتش العارضه بدتدخل فى الاعتيادى يعنى القانون مفصلش بينهم 

طب ايه فايده الفصل هقولك اها متستعجلش :) 

 بس فى  القطاع الحكومى فصل بين الاجازات الاعتياديه والاجازات العارضه 

ماشى شكرا يا عم وده معناه ايه ده معناه يا سيدى ان موظف الحكومه لو مخدش الاجازات العارضه بتاعته اللى هى 7 ايام فى القطاع الحكومى  يسقط حقه فيها يعنى متترحلش للسنه الجايه بمعنى اصح وتترحل الاعتيادى بس .

اما فى القطاع الخاص قانون العمل 12 لسنه 2003 خلاهم جوه بعض يعنى بتطلع 6 ايام العارضه من جوه الاجازات الاعتيادى وده معناه ان لو الموظف مخدتش الاجازات العارضه فى القطاع الخاص تترحل للسنه الجايه عادى .

اتمنى مكنش قصرت