شرح لسجل التجنيد والاحتياط

#لكل_اتش_ارجى


شهاده الموقف التجنيدى 
هو احنا ليه بتاخد شهاده التجنيد من الموظف اللى هيتعين جديد؟
بكل بساطه الوقف التجنيدى مهم جدا عشان المؤسسه او اى منشأه متبقاش مهربه اشخاص من التجنيد خاصه وان بعض المؤسسات بتدى الاشخاص كارنيه بتقول فيه ان الشخص ده مسلم كل الاوراق الاصليه لدى المؤسسه .. طبعا فيه كمبيوتر يعرفوا فيه انت متهرب من التجنيد ولا لا . لكن من قبيل الثقه مش بيبصوا عشان الكارنيه ده .
لازم تبص على شهاده التجنيد كويس وتتأكد انها مش مضروبه عشان متلبس فى الحيط وتشوف هل الشهاده دى مستمره ولا انتهت عشان متستلمش شهاده انتهت ويا سلام بقى لو تبص على ليه واخد اعفاء خاصة اللى بسبب طبى smile emoticon smile emoticon
طب مين اللى ملزم بالموقف التجنيدى يا عم محمد ؟
اللى ملزمين بيه 1- كل واحد كمل 18 سنه وده بيبقى معاه موقف صغار سن وبيبقى محدد لفتره معينه حتى يقدم للتجنيد ..واول ما يكمل 20 سنه بيقدم للتجنيد ووقتها اما ياخد تأجيل لاى سبب او يكون معفى نهائيا لاى سبب او يكون معفى مؤقت لاى سبب.
طب والعقوبه ايه لو الشهاده دى مش موجوده يا عم محمد
انا عايز اقولك المسئول ممكن يلبس بسببها سنتين سجن او اكثر وبغرامه من 200 جنيه الى 500 جنيه مصرى وممكن كمان يتحكم عليه بالسجن والغرامه كمان .. يعنى ممكن تروح العنبوكه خلى بالك .
طب ايه اللى يترتب على شهاده التجنيد يا عم محمد ؟ يعنى انا اخدها من الموظف وارميها فى الملف وشكرا على كده طبعا هقولك لع يا حبيبى بلغتنا الصعيديه هيترتب عليها سجلات تجنيد وهشرحهالك البوست الجاى ومش بس كده هرفقلك النماذج بتاعتها
الله يعنى يا حافظ هتتكلم عن سجل التجنيد والاحتياط والاستدعاء وتشرحلهم وكمان ترفق النماذج طب تمام عنب أنا مستنى

سجلات التجنيد والاحتياط

اخدت من الموظف الجديد الشهاده تمام وعايز ترميها فى الملف وخلاص كده اقولك اقف فيه حاجه اسمها سجلات لازم تعملها 
سجلات !!! سجلات ايه يا عم ؟
سجل تجنيد وسجل احتياط نقزلهم واحد واحد

أ- سجل التجنيد

وده يا ريس اى شهاده من شهادات التجنيد (تأجيل - معاف نهائى او مؤقت - ادى الخدمه) اى شهاده تجنيد هتمر عليك لازم تسجلها جواه .
وسجل التجنيد ده ورقه بيترتب بتاريخ الميلاد زى المسلسل كده وبتعمل حساب ان التاريخ مكن يكون فيه ناس كتييره فتسيب شويه ورق وتكتب التاريخ اللى بعده.
وكمان بتكتب فيه بس اللى هما تاريخ ميلادهم فى التاريخ ده بمعنى كل كام صفحه ورا بعض مخصصين لتاريخ واحد ميبنفعش واحد تاريخ ميلاده 88 تكتبه فى مكان تانى مع اللى تواريخ ميلادهم 87 مثلا.

ب-سجل الاحتياط

طب وده كمان بنعمل فيه ايه يا عم محمد ده يا ريس بتكتب فيه بس كل من أدى الخدمه العسكريه بس
وده بيتم ترتيب صفحاته بتواريخ نهايه الخدمه .. وكل من ادى الخدمه فى التاريخ ده هتكتبه فى نفس الصفحه .
مده الاحتياط هى 9 سنوات
ويجوز ليك ان كل اللى انتهى فترة احتياطه متسجلوش فى الاحتياط لكن لازم تسجله فى التجنيد.

ج-سجل الاستدعاء

وده انا ضايفه لسجل الاحتياط وبتكتب فيه تواريخ الاستدعاء لكل موظف جاله استدعاء............
البوست الجاى عن كعب العمل اوعى يفوتك

#معلومتى_مع_حافظ